المقدمة
البلد دى معدتش محتاجه سياسيين ولا علماء ولا مهندسين .. البلد دى محتاجه صيع المقوله دى أنتشرت أوى فى الشارع المصرى , و طبعاً زى ما كلنا عارفين أن صيع دى جمع صايع, و كلمه صايع على ما اعتقد هى تحريف لكلمه ضايع , و كلمه ضايع هى تحريف لكلمه ضائع , فمفيش حاجه بتبقى على حالها زى ما كلنا شايفين , و من هذا المزنق .. قرر رئيس الجمهوريه انه يقوم بتغيير وزارى شامل كامل كل الوزراء من الصيع .. و نزل الرئيس بذات نفسه شبرا و الضرب الاحمر و الدويقه و الكيلو اربعه و نص و المناطق العشوائيه , عشان ينقى الحاشيه و الوزراء
و شعار المرحله الجايه دى هتبقى الرجول أدب مش هز كتاف بدل الشعار العظيم الرهيب الغريب العبور للمسقبل و البرنامج المهم المفيد السديد البيت بيتك ألى غير أسمه عشان يواكب المرحله الجايه و بقى الغرزه غرزتك
البرنامج أستضاف بعض الوزراء فى الجزء الأول منه .. و وعد بتكمله باقى الحوار
و معاكم المذيع المشهور الترتور محمود سعد
موسيقى البرنامج الممله
وزير الضرائب : المعلم أبو الكاشات
محمود سعد : أزيك يا فندم شرفتنا
أبو الكاشات : أهلاً ياض
محمود سعد : ياض ! ما علينا .. ممكن حضرتك توضح سبب أنفصال مصلحه الضرائب عن وزاره الماليه و تحولها لوزاره لوحدها
أبو الكاشات : أنت مش واخد بالك ولا ايه ؟ فاكر الأعلان القديم بتاع البلد بتتحرك ؟ دلوقتى فيه أعلانات البلد بتترقص ولازم نجارى الزمن .. و الفتره الجايه دى سوده على دمغاتكم كلكم لأنها بتعتمد بالأساس على الضرائب
محمود سعد : ايه الرد الدبلوماسى ده ؟ سوده ليه بس يا أستاذ أبو الكاشات .. هدى نفسك
أبو الكاشات : أنا هادى أهو
محود سعد (على طريقته الشهيره) : أهدى يا أستاذ .. أشرب شاى
أبو الكاشات : أنا عاوز شيشه
محمود سعد (للكنترول) : هاتوله شيشه
أبو الكاشات ( بعد ما جاتله الشيشه) : كرررررررررر المهم .. قولتلى ليه بقى هتبقى فتره سوده .. عشان أنتو فاكرين أن السياحه و قناه السويس دول بيجيبوا فلوس ! دى يا دوبك مصاريف عيالنا .. دى الفلوس الى بتجيلنا من قناه السويس بس يدوبك عشوه فى حته محترمه يا بيه .. كرررررررررر
محمود سعد : طب و حضرتك ناوى تعمل ايه فى الضرايب
أبو الكاشات : زى ما بقى فيه ضرايب على كل حاجه .. و بعد موضوع الضرايب العقاريه ده .. ناويت أعمم الموضوع بشكل أكبر
محمود سعد : بمعنى؟
أبو الكاشات : بمعنى أننا نستفيد بخبرات الحكومه السابقه الأليكترونيه دى و نخليها تعملنا عدادات .. و العدادات دى تتركب فى الرئه و الجهاز التنسفى
محمود سعد : قصد حضرتك الجهاز التنفسى
أبو الكاشات : أأأأأأأأه أنت معندكش خلفيه .. لا ما هما غيروها و خلوها التنسفى .. المهم .. و العدادات دى هتقيس كميه الهواء ألى بتتنفسوها و فيه أخر كل شهر بتاع العداد هيفوت عليكم و يقرأ العداد و يديكم الفاتوره .. فيها حاجه دى
محمود سعد : قصدك هندفع ضرايب على الهواء الى بنتنفسه
أبو الكاشات : أه .. و مش بس كده ده أحنا هنعمل عدادات للجهاز الهضمى كمان و نعرف لمؤخذه كميه ال
محمود سعد ( بيقاطعه) : مفهوم مفهوم .. و ايه كمان
أبو الكاشات : و كمان ضرايب أسمها ضرايب المتعه الزوجيه .. و طبعاً يا بيه عرفت العدادات هتتركب فين؟ كررررررررررر هيع هيع هيع .. و بكده يبقى خدنا ضرايب على المتعه الزوجيه و كمان هنخلى الناس تستخسر تمارس حياتها الزوجيه على الفاضى و على المليان ..و بكده هيبقى حل هايل لتحديد النسل
محمود سعد : بجد واللهى؟ طب ما تركبو عدادات على اللسان عشان ندفع ضرايب على الكلام كمان
أبو الكاشات : واللهى فكره أول ما ارجع مكتبى همضى .. أحم قصدى هبصم على الموضوع ده .. غير الحجر يااااااااااااض .. كرررررررررررر
وزير السياحه : مستر حماراويه
محمود سعد : أزى حضرتك يا مستر حماراويه
حماراويه : فاين ثانك جاد على كل شئ
محمود سعد : يا سلام على أيمان حضرتك
حماراويه : أيمان مين ؟ ما علينا خش فى الحوار
محمود سعد : قولى حضرتك ايه هيا أنجازاتك فى الوزاره من ساعه ما كلفك بيها الريس أو حسب المرحله الجديده دى بقى أسمه البوب الكبير
حماراويه : حضرتك قبل ما أجى أنا الوزاره كان كل يوم بيتسرق حاجه جديده من المتحف المصرى ..و غلبنا حضرتك , كتبنا يافته ع الباب تقول ممنوع دخول أى مسطول و رغم ذلك مفيش فايده .. و كتبنا تحت كل تمثال و تحفه ألى بيسرق بيخش النار و برده الناس معندهاش دم .. بس انا بقى عملت حاجه جديده منعت السرقه دى تماماً
محمود سعد : حقيقى ؟ حضرتك أخيراً حطيت حد للسرقات دى
حماراويه : يس أوف كورس و عهد الله .. أبسلوتلى .. لأنى غيرت أسم المتحف المصرى و خليته المعرض المصرى و طالاما كل حاجه بتتسرق بقى مهما عملنا .. فألى بيعوز حاجه يشتريها و أهو بدل ما تتسرق و تروح منا .. أهى تروح منا بعد ما نطلعلنا بسبوبه
محمود سعد : اللهم لا أعتراض .. على العموم أنا سعيد جداً أنى أستضفت وزير مثقف زى حضرتك و على الاقل لقيت واحد فى الوزاره بيتكلم أنجليش
حماراويه : مش أنجليش بس لا و كمان أنجليزى .. طبعاً أمال ايه مش وزير السياحه بقى
محمود سعد : فى نهايه لقائى معاك .. تحب تشرب شاى
حماراويه : لا أنا عاوز كابشتينو أذا سمحت
وزير الشباب و الرياضه : الحاج زلومه الشايب
محمود سعد : أزيك يا حج .. معلش تعبناك و جبناك المشوار ده كله
زلومه الشايب : كح كح كح .. معلش يا محود شعد يا أبنى متطلبات شغلى بقى
محمود سعد : أشرب بق ميه عشان ترتاح من المشوار ده
زلومه الشايب : مش عاوز ميه .. كتر خيرك يبنى .. كح كح كح
محمود سعد : مش عاوز ميه .. أشرب شاى
زلومه الشايب : يا ريت كوبايه ينشون لو شمحت
محمود سعد (بعد كوبايه الينشون .. قصدى الينسون) : أحكيلنا يا حاج زلومه عن خططك لمستقبل أفضل للشباب
زلومه الشايب : يبنى محش فاهم الشباب أكتر منى .. أشئلنى أنا ..خخخخخخخخخخ أتفووووه
محمود سعد : أيه ده يا عم الحج .. بتف على أرضيه الأستوديو
زلومه الشايب : معلش يا أبنى البلغم عامل زى النار على شدرى
محمود سعد : طب معلش يا والدى أنا أسف .. كمل
زلومه الشايب : أكمل أيه
محمود سعد : ايه يا عم الحج أنت جالك زهايمر ولا ايه
زلومه الشايب : أنت مين .. أنا فين
محمود سعد : أنا محمود سعد يا سياده وزير الشباب و الرياضه .. ها أفتكرت
زلومه الشايب : أيوه .. معلش بقى يا أبنى .. عوامل الشن
محمود سعد : ممكن أعرف يا أستاذ زلومه على أساس أيه أختارك البوب الكبير وزير للشباب و الرياضه
زلومه الشايب : على أشاش الخبره يا أبنى .. أنا من شنين كتييييييره أخترعت الكوره الشراب
محمود سعد : طب ممكن تحكيلنا عن أنجازاتك فى
زلومه الشايب : خخخخخخخخخخخخخ
محمود سعد : ايه ده أنت نمت ولا ايه .. أصحى .. تشرب قهوه .. هاتوله قهوه
زلومه الشايب (بعد ما صحى و شرب القهوه) : شكراً يبنى .. لا لا مش شكراً .. أيه ده .. هيا القهوه دى تقيله على قلبى كده ليه
محمود سعد (و هو قايم من الكرسى) : مالك يا سياده الوزير مالك
زلومه الشايب : أأأأأأأه بلا شياده وزير بلا نيله .. ألحقوووووونى
محمود سعد : أسعاف يا جماعه أسعاف بسرعه .. أستاذ زلومه ؟ طب أشرب شاى طيب
وزير الأسكان و التعمير : الأستاذ فتحى كشك
محمود سعد : أهلاً وسهلاً بحضرتك
فتحى كشك : أهلاً يا خويا
محمود سعد : من الجميل أن وزاره الصيع تضم شاب صايع فى سنك الصغير ده
فتحى كشك : أه ما أحنا غالباً هنعتمد على الشباب بنت ال تيت ألى زيى .. بعد حادثه وزير الشباب و الرياضه أبن ال تيت ده الله يرحمه مطرح ما راح بقى
محمود سعد : طب ممكن الألفاظ شويه يا سياده الوزير .. عشان الراجل بتاع الرقابه هيلاحق على ايه ولا ايه
فتحى كشك : تيت .. أحنا يابا ميهمناش, يلعن تيت أم أى حد .. بلا رقابه بلا تيت على الفاضى
محمود سعد : ما علينا .. طب ممكن حضرتك تقولنا ناوى تعمل ايه فى مشروعات أسكان الشباب
فتحى كشك : أحنا و لمؤخذه عاملين كذا مدينه جديده للشباب جامده تيت و بأسعار رخيصه تيت
محمود سعد : و أسعارها دى تتراوح من كام لكام
فتحى كشك : أن شاء الله من 200 ألف لحد 300 ألف و أنت طالع كده .. أسعار جامده و بنت تيت صح
محمود سعد : طب و دى للشباب أزاى حضرتك ؟ يعنى مش شايفها غاليه شويه
فتحى كشك : تيت .. أنتوا كمان هتتأمروا .. أسعار مواد البناء كل يوم فى العالى .. رجل الأعمال أبن تيت ألى ميتسماش ده بتاع الحديد ولع الأسعار بتاعت مواد البناء خالص .. و ألى مش عجبه بقى بـ تيت أمه يشرب من ميه البحر
محمود سعد : طب هدى أعصابك حضرتك .. أقولك على حاجه ؟ أشرب شاى
فتحى كشك : فيه حشيش عندكم
محمود سعد : لا واللهى
فتحى كشك : ليه كده بس ما هو بقى يتباع فى الأكشاك بفضل وزاره الصيع .. ما علينا .. طب خدلك سيجاره كوكو الضعيف
محمود سعد : لا الحقيقه مبدخنش
فتحى كشك : أحسن وفرت
محمود سعد : طب مفيش بديل بدل ميه البحر ده .. يعنى مثلاً شقق أسعارها أرخص
فتحى كشك : فيه مشروع جديد بنعمله .. أسمه كشك لكل تيت .. هاع هاع .. لكل مواطن يعنى و لمؤخذه
محمود سعد : كشك ؟ عايز شبابنا يسكنوا فى أكشاك
فتحى كشك : و ماله الكشك .. أنا أسمى فتحى كشك .. مش عاجبك أسمى يا ابن تيت و عمال تقولى شاى و مش شاى يا أخى يلعن تيت أمكم كلكم .. أنتوا جايبنى عشان تيت أمى .. تيت أم ده برنامج يا جدع
وزير المواصلات : الأنسه نفوسه العمشه
محمود سعد : أهلاً بحضرتك .. أول وزيره فى وزاره الصيع .. و شئ جميل أنهم يعتمدو على العنصر النسائى المحترم فى الوزاره
نفوسه العمشه : هىىىىى هىىىىىىىى محترم طبعاً .. ده أنت ألى محترم و زى القمر
محمود سعد : أحم أحم .. نرجع لموضعنا .. أيه تعليقك على أعتماد وزاره الصيع على العنصر النسائى
نفوسه العمشه : دول صيع يا باشا .. يعنى لازملهم حته طريه لزوم مجلس الوزراء .. عشان يبقى مجلس طرى .. و طبعاً مش هيلاقوا أطرى من كده .. هىىىىىىىىى هىىىىىىىىى
محمود سعد : ايه سرينه المطافى دى .. ما علينا .. طب حضرتك عملتى ايه فى موضوع المواصلات
نفوسه العمشه : هخلى ألى عايز يركب يركب .. هىىىىىىى هىىىىىىىىى .. أحنا شعب غلبان يا سعاده الباشا و عايزينه يعيش .. و مفيش أحلى من زحمه الأتوبيسات لزوم الصياعه
محمود سعد : يعنى من وجهه نظرك أن زحمه الأتوبيسات مفيده
نفوسه العمشه : طبعاً عشان الشعب يخرج الكبت ألى عنده فى الأتوبيسات
محمود سعد : يا أنسه أحنا شعب محترم .. و فيه ناس محترمه من حقها تركب وسائل مواصلات محترمه
نفوسه العمشه : يعنى انا مش محترمه
محمود سعد : حاشى لله هو انا قولت كده برده
نفوسه العمشه : يا خويا ولا قولت .. يعنى انت جبت الديك من ديله .. هىىىىىى هىىىىىىىى
محمود سعد : أحم .. طب بالنسبه لحوادث القطارات
نفوسه العمشه : يركبو طيارات .. أنتوا هتتأمروا بروح أمكم
محمود سعد (و هو مخضوض) : أيه ده سعادتك بتعملى ايه
نفوسه العمشه : يا خويا بقلع جاكته الترننج عشان الدنيا حر
محمود سعد : حرانه ؟ أشربى عصير لموناده
نفوسه العمشه : هىىىىىىى هىىىىىىىى ليه يا خويا هو أنا عندى أنفلونزا ولا ايه .. أنا عايزه شامبانيا
محمود سعد : شمبانيا فى مبنى الأذاعه و التلفزيون
نفوسه العمشه : أيوه .. و على رأى أستيفان روستى : الشامبانيا مشروب الفتاه المهذبه
محمود سعد : ما علينا .. طب حضرتك ايه تعليقاتك على حوادث البواخر ألى بتنقل الحجاج
نفوسه العمشه : واللهى ألى مش عاجبه يروح يزور أولياء الله الصالحين ولا يروح الحسين و السيده زينب .. هما لازم يحجوا يعنى
البلد دى معدتش محتاجه سياسيين ولا علماء ولا مهندسين .. البلد دى محتاجه صيع المقوله دى أنتشرت أوى فى الشارع المصرى , و طبعاً زى ما كلنا عارفين أن صيع دى جمع صايع, و كلمه صايع على ما اعتقد هى تحريف لكلمه ضايع , و كلمه ضايع هى تحريف لكلمه ضائع , فمفيش حاجه بتبقى على حالها زى ما كلنا شايفين , و من هذا المزنق .. قرر رئيس الجمهوريه انه يقوم بتغيير وزارى شامل كامل كل الوزراء من الصيع .. و نزل الرئيس بذات نفسه شبرا و الضرب الاحمر و الدويقه و الكيلو اربعه و نص و المناطق العشوائيه , عشان ينقى الحاشيه و الوزراء
و شعار المرحله الجايه دى هتبقى الرجول أدب مش هز كتاف بدل الشعار العظيم الرهيب الغريب العبور للمسقبل و البرنامج المهم المفيد السديد البيت بيتك ألى غير أسمه عشان يواكب المرحله الجايه و بقى الغرزه غرزتك
البرنامج أستضاف بعض الوزراء فى الجزء الأول منه .. و وعد بتكمله باقى الحوار
و معاكم المذيع المشهور الترتور محمود سعد
موسيقى البرنامج الممله
وزير الضرائب : المعلم أبو الكاشات
محمود سعد : أزيك يا فندم شرفتنا
أبو الكاشات : أهلاً ياض
محمود سعد : ياض ! ما علينا .. ممكن حضرتك توضح سبب أنفصال مصلحه الضرائب عن وزاره الماليه و تحولها لوزاره لوحدها
أبو الكاشات : أنت مش واخد بالك ولا ايه ؟ فاكر الأعلان القديم بتاع البلد بتتحرك ؟ دلوقتى فيه أعلانات البلد بتترقص ولازم نجارى الزمن .. و الفتره الجايه دى سوده على دمغاتكم كلكم لأنها بتعتمد بالأساس على الضرائب
محمود سعد : ايه الرد الدبلوماسى ده ؟ سوده ليه بس يا أستاذ أبو الكاشات .. هدى نفسك
أبو الكاشات : أنا هادى أهو
محود سعد (على طريقته الشهيره) : أهدى يا أستاذ .. أشرب شاى
أبو الكاشات : أنا عاوز شيشه
محمود سعد (للكنترول) : هاتوله شيشه
أبو الكاشات ( بعد ما جاتله الشيشه) : كرررررررررر المهم .. قولتلى ليه بقى هتبقى فتره سوده .. عشان أنتو فاكرين أن السياحه و قناه السويس دول بيجيبوا فلوس ! دى يا دوبك مصاريف عيالنا .. دى الفلوس الى بتجيلنا من قناه السويس بس يدوبك عشوه فى حته محترمه يا بيه .. كرررررررررر
محمود سعد : طب و حضرتك ناوى تعمل ايه فى الضرايب
أبو الكاشات : زى ما بقى فيه ضرايب على كل حاجه .. و بعد موضوع الضرايب العقاريه ده .. ناويت أعمم الموضوع بشكل أكبر
محمود سعد : بمعنى؟
أبو الكاشات : بمعنى أننا نستفيد بخبرات الحكومه السابقه الأليكترونيه دى و نخليها تعملنا عدادات .. و العدادات دى تتركب فى الرئه و الجهاز التنسفى
محمود سعد : قصد حضرتك الجهاز التنفسى
أبو الكاشات : أأأأأأأأه أنت معندكش خلفيه .. لا ما هما غيروها و خلوها التنسفى .. المهم .. و العدادات دى هتقيس كميه الهواء ألى بتتنفسوها و فيه أخر كل شهر بتاع العداد هيفوت عليكم و يقرأ العداد و يديكم الفاتوره .. فيها حاجه دى
محمود سعد : قصدك هندفع ضرايب على الهواء الى بنتنفسه
أبو الكاشات : أه .. و مش بس كده ده أحنا هنعمل عدادات للجهاز الهضمى كمان و نعرف لمؤخذه كميه ال
محمود سعد ( بيقاطعه) : مفهوم مفهوم .. و ايه كمان
أبو الكاشات : و كمان ضرايب أسمها ضرايب المتعه الزوجيه .. و طبعاً يا بيه عرفت العدادات هتتركب فين؟ كررررررررررر هيع هيع هيع .. و بكده يبقى خدنا ضرايب على المتعه الزوجيه و كمان هنخلى الناس تستخسر تمارس حياتها الزوجيه على الفاضى و على المليان ..و بكده هيبقى حل هايل لتحديد النسل
محمود سعد : بجد واللهى؟ طب ما تركبو عدادات على اللسان عشان ندفع ضرايب على الكلام كمان
أبو الكاشات : واللهى فكره أول ما ارجع مكتبى همضى .. أحم قصدى هبصم على الموضوع ده .. غير الحجر يااااااااااااض .. كرررررررررررر
وزير السياحه : مستر حماراويه
محمود سعد : أزى حضرتك يا مستر حماراويه
حماراويه : فاين ثانك جاد على كل شئ
محمود سعد : يا سلام على أيمان حضرتك
حماراويه : أيمان مين ؟ ما علينا خش فى الحوار
محمود سعد : قولى حضرتك ايه هيا أنجازاتك فى الوزاره من ساعه ما كلفك بيها الريس أو حسب المرحله الجديده دى بقى أسمه البوب الكبير
حماراويه : حضرتك قبل ما أجى أنا الوزاره كان كل يوم بيتسرق حاجه جديده من المتحف المصرى ..و غلبنا حضرتك , كتبنا يافته ع الباب تقول ممنوع دخول أى مسطول و رغم ذلك مفيش فايده .. و كتبنا تحت كل تمثال و تحفه ألى بيسرق بيخش النار و برده الناس معندهاش دم .. بس انا بقى عملت حاجه جديده منعت السرقه دى تماماً
محمود سعد : حقيقى ؟ حضرتك أخيراً حطيت حد للسرقات دى
حماراويه : يس أوف كورس و عهد الله .. أبسلوتلى .. لأنى غيرت أسم المتحف المصرى و خليته المعرض المصرى و طالاما كل حاجه بتتسرق بقى مهما عملنا .. فألى بيعوز حاجه يشتريها و أهو بدل ما تتسرق و تروح منا .. أهى تروح منا بعد ما نطلعلنا بسبوبه
محمود سعد : اللهم لا أعتراض .. على العموم أنا سعيد جداً أنى أستضفت وزير مثقف زى حضرتك و على الاقل لقيت واحد فى الوزاره بيتكلم أنجليش
حماراويه : مش أنجليش بس لا و كمان أنجليزى .. طبعاً أمال ايه مش وزير السياحه بقى
محمود سعد : فى نهايه لقائى معاك .. تحب تشرب شاى
حماراويه : لا أنا عاوز كابشتينو أذا سمحت
وزير الشباب و الرياضه : الحاج زلومه الشايب
محمود سعد : أزيك يا حج .. معلش تعبناك و جبناك المشوار ده كله
زلومه الشايب : كح كح كح .. معلش يا محود شعد يا أبنى متطلبات شغلى بقى
محمود سعد : أشرب بق ميه عشان ترتاح من المشوار ده
زلومه الشايب : مش عاوز ميه .. كتر خيرك يبنى .. كح كح كح
محمود سعد : مش عاوز ميه .. أشرب شاى
زلومه الشايب : يا ريت كوبايه ينشون لو شمحت
محمود سعد (بعد كوبايه الينشون .. قصدى الينسون) : أحكيلنا يا حاج زلومه عن خططك لمستقبل أفضل للشباب
زلومه الشايب : يبنى محش فاهم الشباب أكتر منى .. أشئلنى أنا ..خخخخخخخخخخ أتفووووه
محمود سعد : أيه ده يا عم الحج .. بتف على أرضيه الأستوديو
زلومه الشايب : معلش يا أبنى البلغم عامل زى النار على شدرى
محمود سعد : طب معلش يا والدى أنا أسف .. كمل
زلومه الشايب : أكمل أيه
محمود سعد : ايه يا عم الحج أنت جالك زهايمر ولا ايه
زلومه الشايب : أنت مين .. أنا فين
محمود سعد : أنا محمود سعد يا سياده وزير الشباب و الرياضه .. ها أفتكرت
زلومه الشايب : أيوه .. معلش بقى يا أبنى .. عوامل الشن
محمود سعد : ممكن أعرف يا أستاذ زلومه على أساس أيه أختارك البوب الكبير وزير للشباب و الرياضه
زلومه الشايب : على أشاش الخبره يا أبنى .. أنا من شنين كتييييييره أخترعت الكوره الشراب
محمود سعد : طب ممكن تحكيلنا عن أنجازاتك فى
زلومه الشايب : خخخخخخخخخخخخخ
محمود سعد : ايه ده أنت نمت ولا ايه .. أصحى .. تشرب قهوه .. هاتوله قهوه
زلومه الشايب (بعد ما صحى و شرب القهوه) : شكراً يبنى .. لا لا مش شكراً .. أيه ده .. هيا القهوه دى تقيله على قلبى كده ليه
محمود سعد (و هو قايم من الكرسى) : مالك يا سياده الوزير مالك
زلومه الشايب : أأأأأأأه بلا شياده وزير بلا نيله .. ألحقوووووونى
محمود سعد : أسعاف يا جماعه أسعاف بسرعه .. أستاذ زلومه ؟ طب أشرب شاى طيب
وزير الأسكان و التعمير : الأستاذ فتحى كشك
محمود سعد : أهلاً وسهلاً بحضرتك
فتحى كشك : أهلاً يا خويا
محمود سعد : من الجميل أن وزاره الصيع تضم شاب صايع فى سنك الصغير ده
فتحى كشك : أه ما أحنا غالباً هنعتمد على الشباب بنت ال تيت ألى زيى .. بعد حادثه وزير الشباب و الرياضه أبن ال تيت ده الله يرحمه مطرح ما راح بقى
محمود سعد : طب ممكن الألفاظ شويه يا سياده الوزير .. عشان الراجل بتاع الرقابه هيلاحق على ايه ولا ايه
فتحى كشك : تيت .. أحنا يابا ميهمناش, يلعن تيت أم أى حد .. بلا رقابه بلا تيت على الفاضى
محمود سعد : ما علينا .. طب ممكن حضرتك تقولنا ناوى تعمل ايه فى مشروعات أسكان الشباب
فتحى كشك : أحنا و لمؤخذه عاملين كذا مدينه جديده للشباب جامده تيت و بأسعار رخيصه تيت
محمود سعد : و أسعارها دى تتراوح من كام لكام
فتحى كشك : أن شاء الله من 200 ألف لحد 300 ألف و أنت طالع كده .. أسعار جامده و بنت تيت صح
محمود سعد : طب و دى للشباب أزاى حضرتك ؟ يعنى مش شايفها غاليه شويه
فتحى كشك : تيت .. أنتوا كمان هتتأمروا .. أسعار مواد البناء كل يوم فى العالى .. رجل الأعمال أبن تيت ألى ميتسماش ده بتاع الحديد ولع الأسعار بتاعت مواد البناء خالص .. و ألى مش عجبه بقى بـ تيت أمه يشرب من ميه البحر
محمود سعد : طب هدى أعصابك حضرتك .. أقولك على حاجه ؟ أشرب شاى
فتحى كشك : فيه حشيش عندكم
محمود سعد : لا واللهى
فتحى كشك : ليه كده بس ما هو بقى يتباع فى الأكشاك بفضل وزاره الصيع .. ما علينا .. طب خدلك سيجاره كوكو الضعيف
محمود سعد : لا الحقيقه مبدخنش
فتحى كشك : أحسن وفرت
محمود سعد : طب مفيش بديل بدل ميه البحر ده .. يعنى مثلاً شقق أسعارها أرخص
فتحى كشك : فيه مشروع جديد بنعمله .. أسمه كشك لكل تيت .. هاع هاع .. لكل مواطن يعنى و لمؤخذه
محمود سعد : كشك ؟ عايز شبابنا يسكنوا فى أكشاك
فتحى كشك : و ماله الكشك .. أنا أسمى فتحى كشك .. مش عاجبك أسمى يا ابن تيت و عمال تقولى شاى و مش شاى يا أخى يلعن تيت أمكم كلكم .. أنتوا جايبنى عشان تيت أمى .. تيت أم ده برنامج يا جدع
وزير المواصلات : الأنسه نفوسه العمشه
محمود سعد : أهلاً بحضرتك .. أول وزيره فى وزاره الصيع .. و شئ جميل أنهم يعتمدو على العنصر النسائى المحترم فى الوزاره
نفوسه العمشه : هىىىىى هىىىىىىىى محترم طبعاً .. ده أنت ألى محترم و زى القمر
محمود سعد : أحم أحم .. نرجع لموضعنا .. أيه تعليقك على أعتماد وزاره الصيع على العنصر النسائى
نفوسه العمشه : دول صيع يا باشا .. يعنى لازملهم حته طريه لزوم مجلس الوزراء .. عشان يبقى مجلس طرى .. و طبعاً مش هيلاقوا أطرى من كده .. هىىىىىىىىى هىىىىىىىىى
محمود سعد : ايه سرينه المطافى دى .. ما علينا .. طب حضرتك عملتى ايه فى موضوع المواصلات
نفوسه العمشه : هخلى ألى عايز يركب يركب .. هىىىىىىى هىىىىىىىىى .. أحنا شعب غلبان يا سعاده الباشا و عايزينه يعيش .. و مفيش أحلى من زحمه الأتوبيسات لزوم الصياعه
محمود سعد : يعنى من وجهه نظرك أن زحمه الأتوبيسات مفيده
نفوسه العمشه : طبعاً عشان الشعب يخرج الكبت ألى عنده فى الأتوبيسات
محمود سعد : يا أنسه أحنا شعب محترم .. و فيه ناس محترمه من حقها تركب وسائل مواصلات محترمه
نفوسه العمشه : يعنى انا مش محترمه
محمود سعد : حاشى لله هو انا قولت كده برده
نفوسه العمشه : يا خويا ولا قولت .. يعنى انت جبت الديك من ديله .. هىىىىىى هىىىىىىىى
محمود سعد : أحم .. طب بالنسبه لحوادث القطارات
نفوسه العمشه : يركبو طيارات .. أنتوا هتتأمروا بروح أمكم
محمود سعد (و هو مخضوض) : أيه ده سعادتك بتعملى ايه
نفوسه العمشه : يا خويا بقلع جاكته الترننج عشان الدنيا حر
محمود سعد : حرانه ؟ أشربى عصير لموناده
نفوسه العمشه : هىىىىىىى هىىىىىىىى ليه يا خويا هو أنا عندى أنفلونزا ولا ايه .. أنا عايزه شامبانيا
محمود سعد : شمبانيا فى مبنى الأذاعه و التلفزيون
نفوسه العمشه : أيوه .. و على رأى أستيفان روستى : الشامبانيا مشروب الفتاه المهذبه
محمود سعد : ما علينا .. طب حضرتك ايه تعليقاتك على حوادث البواخر ألى بتنقل الحجاج
نفوسه العمشه : واللهى ألى مش عاجبه يروح يزور أولياء الله الصالحين ولا يروح الحسين و السيده زينب .. هما لازم يحجوا يعنى
46 التعليقات:
اوعة :) ايه ده يا شريف حاجة اخر انحراف قصدي جمال ..هههه بجد حلوة يا شريف وعاشت وزارة الصيع يا عم وبفكر ارشحك تبقى البوب الكبير ولا انتا ايه رايك
.
حلووووووة
هبقي أرجع بعد كده عشان أكملها لحسن طويلة
.
يعنى هنغير اسم الحكومة من الحكومة الالكترونية الى الحكومة الصياعية
ومن كلمة وزير الى كلمة صايع
يعنى صايع التعليم
صايع الصحة وصايع التموين
وهكذا
ورائيس الوزراء يبقى كبير الصيع
وعلى راى محمد صبحى فى تخاريف انا عايز معيا حكومة مفتحة تلعب لالبيضة والحجر
قولى صحيح اية راى المبجل صايع الصحة فى موضوع المخدرات وانفلوانزا الطيور والتامين الصحى
يا نهارك يا شريف
لا بجد جامدة جدا والله
والجزئين احلى من بعض
جو اون
تحيا جمهورية مصر الضايعة
الله ينور
ده ايه الوزارة الجامدة دى
بس يا ترى وزير المالية كان بيشرب شيشة ايه تفاح ولا كنتالوب شكلها كانت معسل
لووووووول
والوزيرة النغشة الروشة دى هى كمان جايبنها من الاريزونا ولا ايه
ولا وزير الاسكان ده عسسسل
حقيقى بيفكرنى بسفاح المعادى
بس تصدق دول اللى ينفعوا فعلا
اللى عجبنى بجد ان كلامك موضح ان معدتش فيه رقابة ودى حاجة بقت مستفزة جدا الكل بقى عادى يتكلموا فى كل حاجة وفى اى حاجه وبأى اسلوب برضه عادى
تعرف انا اول مرة اتابع البيت بيتك لاخره من خلال مقالك
يعنى بقى لك مشاهدة كمان مش قارئة وبس
ايه يا عم شريف دة انت خليتنا نضحك من قلوبنا بجد
صحيح شر البليه ما يضحك
وبصراحة آنسه نفوسه وزلومةافندى وشلة الصايعين دول اللى هيحكموا البلد عندهم فكر جديد وواضح انهم هيضبطوا الشعب الضايع بجد
مدونتك تحفة بجد واسلوبك دا السهل الممتنع ربنا يوفقك دايما
هههههههههههههههههههههههههههههه
والله موتنى من الضحك
بس كنت خليت كل حوار لوحده فى بوست تسلم ايديك
وبالمناسبه حاجزة لك معانا فى سجن مارينا لامن الدوله شكلك هيجبوك من غير نقاش تعالى انا هسبقكك هههههههههههههههههههههههه
فاكر لما كتبت البوست رقم واحد قعدنا مده مش نشوفك
انا خايفه بقه من البوست ده
لا والله عندك حق وزارة الصيع
لا ولا وزير السباب والرياضه هو عنده ازمه صدريه ولا ايه
هههه ولا وزير السياحه اللى عايز كابتشينو ده كده راجل محترم مينغعش معاهم
ربنا يكرم وتكمل بقيت الوزاره
بس اوعى تغيب تانى
تحياتى ولاء
بجد ((الله المستعان)).
السلام عليكم
و الله انتا اللى اتحفتنا بالسيناريو ده
انا قراتها كلها
حلوة وزاره الصيع دى
و بعدين بصراحه انتا مرحتش بعيد
ربنا يستر
تحياتى ابو مفراح
انت بتقول فيها ..
انت بس شيل أسامي الناس دي وحط الاسماء الحقيقية مع نفس الكلام هاتكتشف انه راكب عادي يعني مافيش أي مشكله
تحياتي على البوست اللذيذ جدا
محمد يسرى
انا ناوى ابقى البوب الكبير ان شاء الله
دى حاجه تشرفنى ابقى البوب الكبير على وزراء محترمين و زى الفل كده
هههههههههههه
نورت يا يسرى باشا
تحياتى
قليل من التفكير
مستنيك تانى يا باشا
شكراً ليك
و منورنى
تحياتى
ايويه
ههههههههههههه
بذمتك مش فكره جديده
ههههههههههه
شكراً ليكى و منورانى
تحياتى
ايه
هههههههههههه
شكراً ليكى يا ايه
و منوره المدونه كلها
تحياااااااااتى
ديزيرت كات
لا دى كانت شيشه تفاح
اصلى كنت فى الاستوديو يوميها
ههههههههههههه
منورانى و شكراً ليكى على الرد الجميل
تحياتى
موناليزا
ادينى بعمل دعايه للبيت بيتك ببلاش
يلا اعمل خير و ارميه فى البحر
ههههههههههههه
منورانى يا موناليزا
شكراً ليكى
تحياتى
أيامنا الحلوه
شكراً ليك يا باشا على ردك الجميل ده
و كلامك الاجمل
منورنى و ارجو متبقاش اخر زياره
شكراً ليك
و تحياتى
أبى
مكنتش هخلص لو خليت كل حوار لوحده فى بوست
انا راجل بحب انجز
ههههههههههه
و يا ريت تحجزى الزنزانه بتاعتى بحرى مش قبلى
هههههههههههه
شكراً ليكى و منورانى واللهى
تحياتى
ولاء
هههههههههه
لا مش هغيب تانى ان شاء الله
و لو حصل حاجه يعنى لا قدر الله هضرب الباسبور المزور و اهرب بره البلد و اكمل بوستاتى من بلد تانيه
هههههههههههه
منورانى يا ولاء
و شكراً على ردك الجميل ده
و أشربى شاى
تحيااااااتى
شموسه
شكراً ليكى
و منورانى
و هو فعلاً الله المستعان على الى احنا فيه ده
تحياتى
أبو مفراح
شكراً لردك الجميل ده يا باشا
و مرحتش بعيد عشان الحدق يفهم
هههههههههههه
منورنى ياباشا
تحياتى
دررررررش
بس الحدق يفهم
او هيا مش محتاجه حدق كمان
ههههههههههههه
منورنى يا درش و شكراً على ردك الجميل
تحياااااااتى
احنا متعودين التغيير الوزارى بيبقى فيه نقلة كبيره اوى اوى اوى فى سياسة الحكومة وخطة التطوير وحل مشاكل الجماهير واوعى تكون مواطن ناكر للجميل وتقول محصلش المهم ان الوزارة الجديدة اللى انت عايزها متختلفش عن الموجودة ,, مش عشاوئيات الصياعةانك تلبد فى الوزارة من أيام أمنحتب لحد دلوقت وتهبش اللى تقدر عليه وحتى لو اتحاكمت بعد ما تخرج بعد عمر طويل تبقى عملتهم فى بنوك سويسرا وعديت ,,يبقى شعار الوزارة الصياعة مش عشاوئيات الصياعة إلبد وكوش الدولارات
بس حلوة أوى حكاية العدادات دى وان كان الحاجة الوحيدة اللى مش حايعملوا لها عداد هو الكلام ,,اتكلموا يا شعب اتكلموا أهه لو حد سمع بتقولوا ايه
لاء علي فكرة بوست جامد كيييييييك
لاء ابن تيت صحيح
ولا الوزرة اللي انت جايبهم صيع صي يعني مش اي حد
بجد بوست جامد
يلا اشرب شاي وروق
حسبنا الله ونعم الوكيل
مجداويه
شكرااا على كلامك الجميل ده كله
و منورانى
تحياتى
شيرى
انا مش عاوز شاى
انا عاوز بانجو
ههههههههههههه
شكراً لردك الجميل
المدونه نورت
تحيااااااتى
ههههههههههههههه
فطستنى من الضحك والله
ههههههههههههههه
حلوه يا ريس
ارزعنا جزء تالت بقى
ههههههههههههههههههههه
يخرب عقلك يا شريف
انت مش ممكن
مش بقولك اخرتنا على ايدك
.................
بجد انت كتاباتك فظيعة
انا وانا قاعدة مع المدونين فى البورصة امبارح جبت سيرتك واتكلمت عليك
انت فظيع فظيع فظيع
يارب تكون شرقت
:))
أنينيموس
الله يخليك يا باشا
و ده عشان روحك حلوه
تسلملى
مروه الزراع
أتااااااااارى امبارح شرقت و قعدت أكح و أكح و أكح
ههههههههههههه
و يا ريت المره الجايه لما تتجمعوا كده ابقى قوليلى يا مروه
أنا نفسى اروح اجتماع للمدونين كده
و نورتينى
و شكراً اوووووووووى على كلامك الجميل ده يا فنانه الكاريكاتير
تحيااااااااتى
انت مشكلة ياشريف بجد
ههههههههههه
بوست غير عادى
من مدون غير عادى
عارف انا كنت اتمنى تعملها على حلقات
او كذا بوست
بس على العموم انت هلكتنى من الضحك فعلا
خالص تحياتى
ههههههههههههههههههههههههههههههه
هههههههههههههههههههههههههههه
لالالالالالالالالالالالالالالالالالالالالالا
بجد حراااااااام كدة ..انا والله بقالى ربع ساعة بضحك ..وعمالة اقرأ فيها بجد ..
بس فعلا انت عبقرى ..ربنا يخليك للشعب وتزيح عنهم شوية من الهموم اللى جواهم دى
وربنا يهدى الجميع يارب
ياريت تعمل حوارات من دى كتييييييييييييير يعنى
اسلوبك بجد زى العسل
تحياتى
;)
اسلوبك لذيذ قوى
و كتابتك رائعة
تحياتى
جااااااااااااااااااااامد
شكراً ليك
مدحت محمد
و ابه كذا لويت
خلى الجرعه جامده عشان نخلص نفسنا
و شكرا جداً جداً جداً على كلامك الجميل ألى كتير عليا
و نورت المدونه
خالص تحياااتى
أوشينيز
بجد كلامك حلو اوى و كتير عليا
و الحمد لله انى قدرت اضحكك
و شكراً ليكى نورتى المدونه كللللللها
تحيااااتى
رانيا
ميرسى جداً على كلامك
كلك ذوق
نورتى بجد
تحياتى ليكى
فتحى
منور يا فتحى
شكراً لزيارتك
تحياتى
مونتك هايله ودمها خفيف ومعبره عن الواقع
بس ليا سؤال
انت يساري ولا ايه
انا بسل بس عشان شايفه صور لجيفارا وهتلر
ده انا كنت هموت من ساعة ما قريت الجزء الاول انى اشوف التاني... ولما لاقيتك مكتبتوش قلت انك خلاص نفضتله بس رفحت اوي انك كتبته
شكرا يا باشا
طبعا مش محتاج اقله موضوع جامد اد ايه
أنينيموس
اولاً شكراً على كلامك الجميل
ثانياً أنا مش يسارى ولا حاجه صور جيفارا عشان انا معجب بيه زى ملايين من الشباب حول العالم ومعجب بنضاله الثورى
أما بالنسبه لهتلر فأنا دخلت على أمتحان على النت عباره عن أسئله كتيره بجاوب عليها و فى الاخر يقولولى شخصيتى عامله زى أى شخصيه مشهور
فجاوبت بكل سذاجه طلعتلى صوره هتلر و قالولى انى عامل زيه
هههههههههههههه
طبعاً محدش يصدق أكيد فيه حاجه غلط
منور يا باشا
يمنى
شكراً اوى على كلامك الجميل ده
و بجد نورتينى يا يمنى
و اتمنى تنورينى على طول
شكراً تانى
تحياتى
希望大家都會非常非常幸福~
「朵朵小語‧優美的眷戀在這個世界上，最重要的一件事，就是好好愛自己。好好愛自己，你的眼睛才能看見天空的美麗，耳朵才能聽見山水的清音。好好愛自己，你才能體會所有美好的東西，所有的文字與音符才能像清泉一樣注入你的心靈。好好愛自己，你才有愛人的能力，也才有讓別人愛上你的魅力。而愛自己的第一步，就是切斷讓自己覺得黏膩的過去，以無沾無滯的輕快心情，大步走向前去。愛自己的第二步，則是隨時保持孩子般的好奇，願意接受未知的指引；也隨時可以拋卻不再需要的行囊，一路雲淡風輕。親愛的，你是天地之間獨一無二的旅人，在陽光與月光的交替之中瀟灑獨行.............................................................................................................有時，你覺得痛。胃痛的時候，接受它，承認這個疼痛是你的身體的一部份，與它和平共處。心痛的時候，接受它，承認這個經驗是你的生命的一部份，與它和平共處。抗拒痛的存在，只會讓它更要證明它的存在，於是你就更痛。所以，.無論你有多麼不喜歡痛的感覺，還是要接納這個痛的事實。與你的痛站在同一邊，不逃避，不閃躲，不再與你的痛爭執，如此，你的痛才會漸漸不再胡鬧，才會乖乖平息下去。.................心願-你許下了一個心願，你閉上眼睛，在冥想之中把這個心願交託宙給宇整個讓宇宙推動它全部的力.量去執行.，你看見星球與星球的引力牽繫著彼此，你聽見虛空與虛空.唱裡著和妙美的聲音，為了你的心願，整個宇宙正在相互傳遞，然後你放下了心願，不僅是放下，最好你還把你的心願忘記，唯有如此，它才能脫離你，發展它自己，
當它在宇宙的遊歷結束之後，它自然會來到你身邊，以你曾經希望的方式回應你，許下，只是讓它發生，放下，才是讓它實現，你的心願使你懂得不能執著的奧秘
Post a Comment